“Butun tun davomida havo mudofaasi kuchlari Ukrainaning 251 ta dronini yo‘q qildi. Eng ko‘p dron Qora dengiz ustida urib tushirilgan — 61 ta. Shuningdek, Qrimda 40 ta, Kursk viloyatida 34 ta, Belgorod viloyatida 30 ta va Nijegorod viloyatida 20 ta dron yo‘q qilingan”, – Rossiya Mudofaa vazirligi bayonotida.

Belgorod viloyati ma’muriyati ma’lumotlariga ko‘ra, dronlar energetika obyektlariga hujum qilgan. Natijada 24 ta aholi punkti, jumladan Belgorod shahri ham qisman elektr ta’minotisiz qolgan. Umumiy hisobda 40 ming kishi elektrsiz qolgan.

OAVlarning xabariga ko‘ra, Bryansk viloyatining Klinsi shahrida issiqlik elektr stansiyasiga hujum qilingan.

Nijegorod viloyatining Dzerjinsk shahrida dronlar portlovchi moddalar ishlab chiqariladigan zavodga zarba bergan, natijada yong‘in yuzaga kelgan.

Shuningdek, Rossaviatsiya 5-oktyabr kechki paytdan boshlab Sochi, Gelendjik, Krasnodar, Yaroslavl, Kaluga, Novgorod, Tambov va Saratov aeroportlarida parvozlarni cheklagan.

• Havo hujumi
• Rossiya
• Ukraina
• dron