Bugun, 23-iyundan 24-iyunga oʻtar kechasi noyob astronomik hodisa – sayyoralar paradi boʻlib oʻtadi. Ufqda bir vaqtning oʻzida Quyosh tizimining 5 ta sayyorasi – Merkuriy, Venera, Mars, Yupiter va Saturn bir qatorda saf tortadi.

Sayyoralar saflangan vaqtda Oy Mars hamda Venera orasida nur sochib turadi.

Bu kabi hodisa oxirgi marta 18 yil avval kuzatilgan, keyingisi esa 2040-yilda boʻlib oʻtadi.

Olimlarning aytishlaricha, 2-3 ta sayyoraning bir chiziqda jam boʻlishi odatiy holat, ammo 5-6 ta sayyoraning bir vaqtda bir chiziqqa saflanishi noyob hodisa hisoblanadi. Sakkizta sayyoraning barchasi bitta tekis chiziqda uchrashishi imkonsiz, ammo ular bir vaqtda osmonning bitta tomonida jam boʻlishi mumkin. Bu kabi hodisa taxminan 1000 yil avval kuzatilgan.

• Koinot
• kosmos