Bosh prokuratura organlari tomonidan oʻtkazilgan tekshiruvlar natijasida Buxoro viloyati Romitan tumanida joylashgan 5 ta arxeologiya yodgorligiga turli sabablarga koʻra, jami 291,4 mlrd soʻmlik jiddiy shikast yetkazilganligi aniqlangan.

Xususan, noqonuniy qazish va buzish ishlari olib borilganligi sababli, oʻrta asrlarga oid “Tepa 9” arxeologiya merosi obyektiga 269,6 mlrd soʻmlik, “Qalai Mullabektepa” yodgorligiga 19,7 mlrd soʻmlik, “Amirtepa” yodgorligiga 1,1 mlrd soʻmlik, “Xoʻja Haqqitepa” yodgorligiga 832 mln soʻmlik va “Tepa-5” yodgorligiga 202 mln soʻmlik zarar yetkazilgan.

Maʼlum qilinishicha, aniqlangan holatlar yuzasidan jinoyat ishi qoʻzgʻatilib, dastlabki tergov harakatlari olib borilmoqda.

• Buxoro
• yodgorlik