Chilida g‘ayritabiiy issiqlik tufayli yerosti yong‘inlari sodir bo‘lmoqda. Yong‘inning yer tubidan chiqib ketishi aks etgan video Kuillon shahrida tasvirga olingan.

Mamlakatning markaziy qismida o‘rmon yong‘inlari 700 gektardan ortiq maydonni qamrab olgan. So‘nggi ma’lumotlarga ko‘ra, Chilining 177 ta turli nuqalarida yong‘in sodir bo‘lmoqda, ularning eng kattasi Araukaniya, Nyubl, Los-Lagos va O’Xiggins viloyatlarida qayd etilgan.

Argentinaning “Rio Negro” gazetasiga ko‘ra, yong‘in o‘nlab uylarni vayron qilgan. Hozircha qurbonlar soni noma’lum. Chili tabiiy ofatlarni boshqarish milliy xizmati o‘rmon yong‘inlari haqida favqulodda ogohlantirish e’lon qilgan.

Ta’kidlanishicha, Chilidagi o‘rmon yong‘inlarining sababi kuchli qurg‘oqchilikdir. Bu mamlakatda yong‘in mavsumi 2022-yil oxirida boshlangan. So‘ngra Vina-del-Mar shahrida 500 dan ortiq uy yonib ketgan va buning oqibatida 1040 kishi halok bo‘lgan, 67 kishi esa yaralangan.

• Janubiy Amerika
• yong‘in