31°
Kechasi 18°
To‘lov yoki qarzdorlikni uyma-uy yurib undirish amaliyoti to‘xtatiladi.
O‘zbekistonda 2026-yil 1-yanvardan chiqindi xizmatlari uchun to‘lovlar jismoniy va yurdik shaxslar tomonidan faqat onlayn tarzda barcha elektron to‘lov tizimlari orqali amalga oshiriladi. Bu haqda Chiqindilarni boshqarish va sirkulyar iqtisodiyotni rivojlantirish agentligi xabar berdi. Istisno tariqasida, internet aloqasi bo‘lmagan, olis hududlarda yashovchilar bank kassalari va “O‘zbekiston pochtasi” orqali to‘lov qilsa bo‘ladi.
“Mazkur chora-tadbirlar sohada aholiga qulay to‘lov tizimini yaratish, billing hisoblarini yuritishda shaffoflikni ta’minlash va korrupsion holatlarning oldini olish maqsadida amalga oshirilmoqda”, – deyiladi xabarda.
O‘zgarish haqida agentlik tomonidan Qoraqalpog‘iston Respublikasi, viloyatlar hamda Toshkent shahridagi barcha sanitar tozalash korxonalariga tegishli ko‘rsatmalar berilgan.
Endi to‘lovlar faqat:
– agentlikning “Toza makon” billing tizimi;
– elektron to‘lov tizimlari;
– internet aloqasi bilan ta’minlanmagan, hudud markazidan olis masofada joylashgan aholi yashash punktlari uchun istisno tariqasida tijorat banklari kassalari, “O‘zbekiston pochtasi” AJ pochta bo‘limlari orqali amalga oshiriladi.
Amaldagi tartibga ko‘ra, qattiq maishiy chiqindilarni to‘plash va olib chiqish xizmatlari uchun majburiy to‘lovlar bo‘yicha qarzdorligi mavjud bo‘lgan iste’molchilar qisqa xabarnoma (SMS) orqali xabardor qilinganidan keyin mazkur qarzdorlik bartaraf etilguniga qadar ulardan elektr energiyasi uchun to‘lovlarni qabul qilish vaqtinchalik cheklanadi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
