10-aprel kuni soat 07:30 da  Toshkent shahar Chilonzor tumani, Furqat ko‘chasida, elektromobil yonayotganligi to‘g‘risida, Toshkent shahar FVBga xabar tushgan.

Shunga ko‘ra, yong‘in-qutqaruv texnikalari aytilgan manzilga soat 07:35 da yetib borib, yong‘in soat 08:28 da o‘chirilgan.

Aytilgan manzilda yong‘in natijasida, elektromobilning akkumulyator qismida yong‘in kelib chiqqanligi aniqlangan.

Yong‘in oqibatida halok bo‘lgan va jabrlanganlar yo‘q.

Hozirda yong‘in sababi va keltirilgan moddiy zarar miqdori aniqlanmoqda.

“Eslatib o‘tamiz, hurmatli fuqarolar barcha elektromobillarning batareyalari o‘zida juda katta miqdorda energiyani saqlashi sababli, xalqaro tajribaga muvofiq yong‘in chiqqan akkumulyator ichidagi elektr quvvati to‘liq tugagunga qadar, akkumulyatorni sovitish ishlari amalga oshiriladi. Shu sababli yong‘inni o‘chirish usuli boshqa oddiy yoqilg‘ida yuruvchi avtomobillardan farq qiladi”, – deya ogohlantirmoqda poytaxt FVB axborot xizmati.

• Avtomobil
• Chilonzor
• yong‘in