“Cotton Campaign” koalitsiyasi O‘zbekiston paxtasiga boykotni bekor qildi. Bu haqda Bandlik va mehnat munosabatlari vazirligi matbuot xizmati ma’lum qildi.

Qayd etilishicha, “Cotton Campaign” koalitsiyasi mazkur qarorni 2021-yilda O‘zbekistonda paxta yig‘im terimida bolalar mehnati va majburiy mehnatga yo‘l qo‘yilmagani munosabati bilan qabul qilgan. 

Hisobotda hukumat tomonidan tashkil qilinadigan majburiy mehnat holatlari aniqlanmagani eʼlon qilingan.

Bu tarixiy yutuq Oʻzbekistonlik fuqarolik jamiyati faollari, xalqaro huquq himoyachilari va xalqaro brendlarning birgalikdagi koʻp yillik faoliyati hamda Oʻzbekiston Hukumatining majburiy mehnatga barham berishga qaratilgan qat’iyati natijasida erishildi. “Cotton Campaign” – inson va mehnat huquqlari, mas’ul investorlar va biznes tashkilotlarining global koalitsiyasi bo'lib, islohotlarning o'zbek ishchilari, fermerlari va fuqarolik jamiyatiga foyda keltirishini davom ettirish maqsadida mas'uliyatli yetkazib beruvchilar bilan hamkorlikka undaydi, deyiladi xabarda.

Ma’lumot o‘rnida, “Cotton Campaign” dastlab 2009-yilda o‘zbek paxtasiga boykot e’lon qilgan edi.

• Paxta
• Vazirlik
• boykot