Qayd etilishicha, ayni paytda Tojikiston O‘zbekistondan sutkasiga 2 mln kVt/soatgacha elektr energiyasi olyapti. O‘zbekistonning imkoniyatlari kengaysa yetkazib berish hajmlarini oshirish ham rejalashtirilgan.

Tojikiston Energetika vazirligi ma’lum qilishicha, Qozog‘iston va Turkmanistondan ham elektr energiyasi yetkazib berish bo‘yicha energetika vazirlari darajasida dastlabki kelishuvlarga erishilgan. Hozirda ushbu davlatlardan yetkazib berish bilan bog‘liq texnik masalalarni hal etish ustida ishlar olib borilmoqda.

Tojikiston tashqi bozorlarga faqat mamlakatning janubi-g‘arbiy qismi orqali — O‘zbekiston energetika tizimi orqali chiqish imkoniyatiga ega. Turkmaniston va Qozog‘iston elektr energiyasini tranzit qilish uchun O‘zbekiston energetika tizimining o‘tkazish qobiliyatini inobatga olgan holda masalalarni kelishib olish talab etiladi.

Vazirlik qayd etishicha, ushbu masalalarni avtomatik tarzda hal qilish imkonini beruvchi Markaziy Osiyo Birlashgan energetika tizimi (BET) doirasida Tojikiston energetika tizimining parallel ishlashi respublika shimolidagi elektr liniyalari mintaqaviy “energiya halqasi”ga ulanganidan so‘ng yo‘lga qo‘yiladi.

Tojikistonning Markaziy Osiyo BETga to‘liq qo‘shilishi 2026-yilning birinchi choragida kutilmoqda.

• Elektr energiyasi
• O‘zbekiston
• Tojikiston