Bugun siz onlayn dasturlashni bepul o‘rganishingiz mumkin. Dasturlashni o‘rganish juda ko‘p pul talab qilinadigan va hamma ham bunga qodir bo‘lmaydigan vaqtlar o‘tdi. Endi dasturlash va kompyuter fanlarini o‘rganish uchun hamma uchun ochiq saytlar mavjud. Ular orasida pullik va bepul dasturlash kurslari mavjud.

Dasturlashni o‘rganish qanday imkoniyatlar beradi?

· Siz saytlarni yaxshiroq boshqarish imkoniyatiga ega bo‘lasiz;
· O‘z loyihalaringiz uchun alohida dasturchi kerak bo‘lmaydi;
· Ilovalar, veb-saytlar va boshqa loyihalarni o‘zingiz yaratishingiz mumkin bo‘ladi.

Kodlashni o‘rganishingiz mumkin bo‘lgan saytlar:

1. “BitDegree” dasturlashdan tortib o‘yinlarni ishlab chiqishgacha bo‘lgan bir nechta bepul kurslarni taklif qiladi. Kurslarni o‘rganishni boshlash uchun sizdan o‘zingizga qulay bo‘lgan tilni tanlash va darslarni boshlash talab etiladi xolos.
Ushbu platformada siz:

• HTML;
• CSS;
• PHP;
• Javascript;
• SQL;
• JQuery’larni o‘rganasiz.

“BitDegree” o‘ziga xos jihatlaridan biri bu siz o‘rganish jarayonida erishgan muvaffaqiyatlringiz evaziga taqdirlanasiz.

2. “Coursera” yetakchi universitetlar o‘qituvchilaridan kodlash kurslari, o‘quv qo‘llanmalari va resurslarini taqdim etadi.  Ushbu kurslarni yaratish uchun ular oliy ta’lim muassasalarining eng yaxshi o‘qituvchilari bilan hamkorlik qildilar. Bu shuni anglatadiki, siz eng yaxshi resurslardan foydalangan holda onlayn dasturlashni o‘rganishingiz mumkin. Saytdagi har bir kurs mutlaqo bepul, lekin agar siz sertifikat olishni istasangiz, buning uchun pul to‘lashingiz kerak bo‘ladi.

Kurslar ro‘yxati:

• Python;
• Java;
• HTML va CSS;
• IoT dasturlash;
• C;
• Dasturlashga kirish.

3. “Code Academy” – odamlar bepul kodlashni o‘rganadigan eng mashhur saytlardan biri. 24 milliondan ortiq odam ushbu platformadan foydalanib dasturlashga ilk qadamlarini tashlagan. Jamoa dasturlashdan tortib, ilg‘or tillargacha bo‘lgan kurslarni taklif qiladi. Ta’limga interaktiv yondashuv olingan bilimlarni darhol qo‘llash imkonini beradi. 
“Code Academy”da o‘rganishingiz mumkin bo‘lgan ba’zi tillar:

• HTML;
• JavaScript;
• CSS;
• jQuery;
• PHP;
• Python;
• Ruby.

Boshqa yo‘nalishlar ham bor, lekin yuqoridagi tillar ro‘yxati asosiy hisoblanadi.

4.  edX – oliy ta’lim uchun keng ko‘lamli ochiq manba platformasi. Tarmoqda hozirda 5 milliondan ortiq talaba bor.

Sayt dasturlash bilan cheklanmasdan, bir nechta turli toifalarga bo‘lingan. Agarda siz faqatgina kodlashni o‘rganmoqchi bo‘lsangiz «Informatika» bo‘limini tanlang.

Bu yerda siz tillar bo‘yicha o‘quv materiallari va boshqa kerakli ko‘nikmalarni topasiz, masalan:

• HTML va CSS;
• Java;
• jQuery;
• C++;
• C#;
• Python;
• SQL;
• Mobil ilovalarni ishlab chiqish.

Kurslarning aksariyati pullik, ammo dasturlash asoslarini o‘rganish uchun yetarlicha bepul o‘quv materiallari ham mavjud.

5. “Khan Academy” – keng qamrovli onlayn ta’lim platformasi. Bu dasturlash bilan bog‘liq bilim va ko‘nikmalaringizni boyitish uchun ajoyib joy. Siz kompyuter dasturlash asoslarini va murakkab ilovalarni ishlab chiqishni o‘rgatuvchi kurslar va qo‘llanmalarni aynan shu saytdan topasiz.

Barcha kurslar mutaxassislar tomonidan olib boriladi. Biroq, talabalar butun jarayon davomida o‘rganganlarini baham ko‘rishlari tavsiya etiladi. 

Khan Academy bilan siz quyidagi texnologiyalar va dasturlash tillarini o‘rganishingiz mumkin:

• HTML;
• CSS;
• Javascript;
• Ma’lumotlar bazasi.

Umuman dasturlash asosini tashkil etuvchi falsafa va ko‘nikmalarni o‘rgatadigan asosiy kurslar ham mavjud.

Yuqoridagi platformalar bugungi kunning eng talabgir sohalaridan bo‘lmish dasturlashga sizni olib kira oldi degan umiddamiz. Ushbu ro‘yxatni davom ettirishimizni xohlaysizmi?

• Dasturchi