Navoiy viloyatida transformatorlarga o‘zboshimchalik bilan ulanib, davlatga 24,4 mlrd so‘m zarar keltirgan noqonuniy mayning ferma aniqlandi. Bu haqda “O‘zenergoinspeksiya” xabar berdi.

Xabarga ko‘ra, fuqaro R.E.I.ga tegishli, umumiy iste’mol quvvati 840,4 kVt.ni tashkil etadigan mayning qurilmalari quvvati 630 kVt.ga teng 2 ta transformatorga o‘zboshimchalik bilan ulangan.

Mazkur holat bo‘yicha dalolatnoma rasmiylashtirilib, 24 mlrd 415 mln 300 ming so‘m qayta hisob-kitob qilingan.

Shuningdek, holat yuzasidan tegishli hujjatlar rasmiylashtirilib, huquqni muhofaza qiluvchi organlarga yuborilgan.

• Elektr energiyasi
• Huquqbuzarlik
• Mayning
• Navoiy