Toshkentda “Davrbank” hisobidan 15 mlrd so‘m o‘g‘irlagan shaxslar ushlandi. Bu haqda Toshkent shahar IBB matbuot xizmati xabar berdi.

Qayd etilishicha, joriy yilning 7-iyul kuni 1976-yilda tug‘ilgan fuqaro o‘zining jinoiy sheriklari bilan poytaxtdagi “Davr bank” XATB tizimiga ruxsatsiz kirgan. Keyin bank hisobidagi 15 milliard so‘m miqdordagi pullarni sherigining nomiga ochilgan plastik kartalarga o‘tkazgan.

Shunda so‘ng u mazkur pullarning 11 mlrd 453 mln so‘m miqdorini  o‘zlashtirgan. Yechib olingan pullar jinoiy guruh a’zolari o‘rtasida taqsimlangan.

Toshkent shahar IIBB tomonidan olib borilgan tezkor tergov harakatlari natijasida 11 nafar fuqaro gumonlanuvchi sifatida jalb qilinib, qamoqqa olish ehtiyot chorasi tanlangan. Shuningdek ikki nafar gumonlanuvchilar 1986-yilda tug‘ilgan Umarov Sanjar Ravshanovich hamda 1988-yilda tug‘ilgan Abduraxmonov Eldor Shuxratovichlarni ushlash choralari ko‘rilmoqda.

Xabarga ko‘ra, mazkur holat yuzasidan Toshkent shahar IIBB Tergov boshqarmasi tomonidan O‘zbekiston Respublikasi Jinoyat kodeksining 169-moddasi 4-qismi “a” bandi (“Juda ko‘p miqdorda o‘g‘rilik”) alomatlari bilan jinoyat ishi qo‘zg‘atilgan.

• Bank
• Jinoyat