Bosh prokuratura matbuot kotibi Denovdagi savdo majmuasida yuzaga kelgan chaqnash hodisasi bo‘yicha tergov qilinayotgan jinoyat ishi yuzasidan qo‘shimcha ma’lumot berdi.

Unga ko‘ra, 15-dekabr kuni Denov shahar gaz bo‘limi boshlig‘i, “Hududgaz Surxondaryo gazta’minoti”ning 2 nafar xodimlari jami 3 nafar shaxsga JKning 116 (kasb yuzasidan o‘z vazifalarini lozim darajada bajarmaslik), 214-moddalari (davlat organi, davlat ishtirokidagi tashkilot yoki fuqarolarning o‘zini o‘zi boshqarish organi xizmatchisining qonunga xilof ravishda moddiy qimmatliklar olishi yoki mulkiy manfaatdor bo‘lishi) bilan ayb e’lon qilinib, qamoqqa olish ehtiyot chorasi qo‘llanilgan.

Dastlabki tergov harakatlari davom etmoqda.

Eslatib o‘tamiz, avvalroq holat bo‘yicha JKning 257 (Mehnatni muhofaza qilish qoidalarini buzish) va 259 (Yong‘in xavfsizligi qoidalarini buzish) moddalari bilan jinoyat ishi qo‘zg‘atilgani ma’lum qilingan edi.  

• Bosh prokuratura
• FVV
• Jinoyat
• Surxondaryo