35 yoshli reper Dreykning rasmiy vakillari uni “Gremmi-2022” mukofotiga daʼvogarlar roʻyxatidan chiqarishni soʻrab, AQSh milliy sanʼat va ovoz yoyish akademiyasiga murojaat qildilar. Akademiya murojaatni koʻrib chiqdi va Dreykni nomzodlar roʻyxatidan chiqarib yubordi. Reper nima uchun nufuzli mukofot uchun kurashishdan voz kechgani sababi maʼlum emas.

Dreyk mukofotga ikkita – “Eng yaxshi rep-albom” va “Eng yaxshi rep-ijro” yoʻnalishlari boʻyicha daʼvogarlik qilayotgandi.

Ijodkor “Gremmi” mukofotini bugungi kunga qadar 4 marta qoʻlga kiritgan. Ammo, bir necha bor rep janri bilan bogʻliq yoʻnalishlarda nomzod sifatida koʻrsatilmagani uchun norozi ekanligini aytib oʻtgandi. Aftidan reperning sabr kosasi toʻlgan va rep janri bilan bogʻliq yoʻnalishlarda ham mukofot uchun kurashish istagini yoʻqotgan.

Maʼlumot uchun, “Gremmi mukofoti” gʻoliblari 2022-yilning 31-yanvar kuni eʼlon qilinadi.

• Madaniyat
• Shou-biznes
• mashhurlar