Ijtimoiy tarmoqlarda e’lon qilingan “Endi radardan kelgan shtrafni bitta telefon orqali o‘chirtirsa bo‘ladi” sarlavhali xabar mutlaqo haqiqatga to‘g‘ri kelmaydi.

Toshkent shahar YHXB Ekspluatatsiya-montaj bo‘limi dispetcherlik xizmatining 71 294 29 82 telefon raqami fuqarolarga ishlamayotgan svetoforlar, o‘chib ketgan (noto‘g‘ri chizilgan) yo‘l chiziqlari, to‘silib qolgan (noto‘g‘ri o‘rnatilgan) yo‘l belgilari singari yo‘ldagi kamchiliklarga duch kelgan taqdirda murojaat qilishlari uchun joriy etilgan.

Bu haqda, O‘zbekiston Respublikasi Ichki ishlar vazirligi Jamoat xavfsizligi departamenti Yo‘l harakati xavfsizligi xizmati ma’lum qildi.

“Ijtimoiy tarmoqlardagi jurnalist va blogerlar shuningdek, Telegram kanal adminlaridan asossiz yolg‘on xabarlar bilan tarmoq foydalanuvchilarini chalg‘itmasliklarini so‘raymiz”, – deyiladi xabarda.

• Jarima
• YHXB