Endilikda Yo‘l harakati qoidalari buzilishiga doir jarimalarga qarshi my.gov.uz portali orqali elektron shikoyat yo‘llash imkoniyati yaratildi. Bu haqda my.gov.uz’ning rasmiy sahifasida xabar berildi.

Vazirlar Mahkamasining 2024-yil 3-iyuldagi 382-son qaroriga asosan, joriy yilning 1-sentyabridan boshlab my.gov.uz portali orqali yo‘l harakati qoidalari buzilishi yuzasidan chiqarilgan qarorlar va yuborilgan xabarnomalar bo‘yicha Yo‘l harakati xavfsizligi xizmatiga elektron tartibda shikoyat qilish imkoniyati paydo bo‘ladi.

Shuningdek, yuborilgan shikoyat arizalari YHXX tomonidan 10 ish kuni ichida ko‘rib chiqiladi.

Murojaat ko‘rib chiqilayotgan vaqt mobaynida jarima uchun belgilangan chegirma muddati to‘xtatib turilmaydi.

Qayd etilishicha, agar shikoyat o‘rinli deb topilsa, YHXX tomonidan O‘zbekiston Respublikasi Ma’muriy javobgarlik to‘g‘risidagi kodeksining 271-moddasiga asosan ma’muriy huquqbuzarlik to‘g‘risidagi ish tugatiladi.

• Avtomobil
• Davlat xizmati
• Jarima