2024-yildan boshlab ilk marotaba fuqarolar yig‘inlari raislari orasida “Eng namunali mahalla raisi” tanlovi o‘tkaziladi. Bu haqda AOKAda o‘tkazilgan brifingda O‘zbekiston mahallalari uyushmasi rais o‘rinbosari Abdulla Aslanov ma’lum qildi.

Xabarga ko‘ra,“tanlovning 1-bosqichi sektor miqyosida joriy yilning 19-25-fevral kunlari, 2-bosqichi tuman va shahar miqyosida 26-29-fevral kunlari hamda 3-bosqichi Qoraqalpog‘iston Respublikasi, viloyatlar va Toshkent shahar miqyosida 1-10-mart kunlari o‘tkaziladi.Tanlov g‘oliblari 22-mart mahalla tizimi xodimlari kuni arafasida e’lon qilinadi”.

Bundan tashqari, brifingda mahalla tizimini ya’nada yoritish maqsadida “Mahalla” teleradiokanali, “Mahalla” gazetasi, “Mahalla ko‘zgusi” jurnali tahririyatlari faoliyatini samarali tashkil etish bo‘yicha takliflar ishlab chiqilgani va uyushma va MTRK hamkorligida mahallalar hayotidagi o‘tkir masalalarni yoritib borish, mamlakatdagi islohotlarni oddiy, sodda tilda aholiga yetkazish maqsadida “Mahalla Press-klubi” loyihasi faoliyati yo‘lga qo‘yilgani aytilgan.

• Mahalla
• tanlov