Surxondaryo viloyati Qumqo‘rg‘on tumani hokimi o‘rinbosari Nigora Jumayeva ayollarni paxta terimiga majburan jalb qilgani uchun jarimaga tortildi. Audioyozuvda u har bir faoldan kamida ikki ayolni terimga olib chiqishni talab qilgani aniqlangan. Rasmiylar avval ayollar “ko‘ngilli” chiqqanini aytgan bo‘lsa-da, Kambag‘allikni qisqartirish va bandlik vazirligi bu holatni majburiy mehnat deb baholadi.

Jumayeva 20,6 mln so‘m jarimaga tortildi. Shuningdek, Buxoroda ham shunga o‘xshash holat bo‘lib o‘tgani aytildi. Mavsum davomida 74 ta mehnat qonunbuzilishi holati aniqlangan, 8 nafar mansabdor jarimaga tortilgan.

Eslatib o‘tamiz, avvalroq, Surxondaryo paxta rejasini birinchi bo‘lib bajargan viloyat bo‘lgani edi.

• Paxta
• Surxondaryo