Sharoitlar yaratilgani sababli joylarda xususiy sheriklik asosida mingga yaqin zamonaviy mahalla binolari barpo etildi. Endilikda ushbu binolarni zamonaviy servis obyektlariga aylantirish maqsadida tadbirkorlarga qo‘shimcha yengilliklar berilishi ko‘zda tutilgan. Avvalo, viloyatdagi “Islohotlar shtabi” tadbirkorlar bilan maslahatlashgan holda mahalla binosi qurilishi uchun aniq joyni belgilab, yer ajratish bo‘yicha qaror chiqaradi.

Shahar va viloyat markazlarida tadbirkorlar tomonidan qurilib, pastki qavatida “mahalla yettiligi” joylashadigan binolar 3 yil davomida yer va mol-mulk solig‘idan ozod qilinadi. Qishloq hududlarida esa ushbu imtiyozlar muddati 7 yilni tashkil etadi. Shuningdek, bino egasi bo‘lgan tadbirkorlar bu davr mobaynida foyda solig‘i hamda aylanmadan olinadigan soliqni 50 foizga kamaytirilgan stavkada to‘lash huquqiga ega bo‘ladilar.

• Tadbirkorlik
• shahar