Poytaxtda “Toshshahartransxizmat” harakat tarkibini yangilash maqsadida XXRdan keltirilgan 202 dona yangi elektrobuslarni qabul qildi.

Poytaxt jamoat transporti tizimini rivojlantirish, ekologik toza va energiya tejamkor transport vositalarini joriy etish maqsadida Yutong kompaniyasida ishlab chiqarilgan 202 dona zamonaviy elektrobuslarning ramziy kaliti “Toshshahartransxizmat” AJ rahbariga topshirildi.

Bugungi kunda jamiyat tomonidan 163 ta avtobus yo‘nalishida, shundan 92 tasi bog‘lovchi, 14 tasi halqa, 11 tasi magistral, 46 tasi yetkazib beruvchi yo‘nalishlarda kuniga 1 556 ta avtobus qatnamoqda. Ularning o‘rtacha oraliq intervali 10–12 daqiqa, kunlik qatnovlar soni esa 22 318 marotabani tashkil etadi.

2030-yilgacha bo‘lgan rivojlanish strategiyasiga muvofiq, jami 1 200 dona elektrobus xarid qilinishi rejalashtirilgan bo‘lib, buning natijasida jamoat transporti parkidagi elektrobuslar ulushi 50 foizdan 63 foizgacha yetadi.

• Avtobus
• Toshshahartrans
• Xitoy