2022–2025-yillarda O‘zbekiston Respublikasida jamoat xavfsizligini ta’minlash tizimini rivojlantirish strategiyasini 2022-yilda amalga oshirish bo‘yicha “Yo‘l xaritasi”ning 21-bandiga ko‘ra endilikda ichki ishlar organlari xodimini internetda obro‘sizlantirish javobgarlikka sabab bo‘lishi mumkin.

Qayd etilishicha, Prezidentning 2021-yil 29-noyabrdagi Farmoniga asosan ommaviy axborot vositalari, telekommunikasiya tarmoqlari va Internet tarmog‘idan foydalangan holda ijtimoiy-siyosiy vaziyatni beqarorlashtirish, shuningdek, ichki ishlar organlari xodimlarini obro‘sizlantirish holatlarining oldini olish va ularga barham berishning tashkiliy-huquqiy asoslarini takomillashtiriladi.

Mazkur Farmonda Hukumatga joriy yilning iyuniga qadar yuqoridagilarni nazarda tutuvchi qaror loyihasini ishlab chiqish vazifasi yuklatilgan.

Shuningdek, “Yo‘lda bezorilik” holatlari bilan ifodalanadigan, qasddan sodir etilgan xatti-harakatlar uchun ham ma’muriy javobgarlik joriy etiladi.

• Farmon
• IIB