“NASASpaceflight”ning xabar berishicha, “Falcon 9” raketasi ekipaj 5 missiyasi uchun Xalqaro kosmik stansiyaga olib ketilayotgan vaqtda avariya yuz bergan. Raketa Texas shahrida joylashgan shossedagi ko‘prikka qulagan.

Qayd etilishicha, ko‘prikning balandligi uning ostidan raketani olib o‘tish uchun yetarli bo‘lmagan.

“SpaceX” va NASA hozirda “Falcon 9”ning qay darajada zarar ko‘rganini tekshirmoqda.

Odatda, “SpaceX” raketaning oraliq bosqichlari va bort asboblarini ishlab chiqarish zavodidan sinov maydonchasiga olib o‘tish vaqtida shikastlanadigan bo‘lsa, uni olib tashlaydi va boshqasi bilan almashtiradi.

Uskunalar almashtirilgandan so‘ng, raketa parvozga qabul qilish va sertifikatlashdan avval bosqichma-bosqich sinovlar hamda keyingi baholash bosqichlaridan o‘tadi.

Avvalroq “Crew-5” missiyasi doirasida “Crew Dragon”ning uchirilishi joriy yilning 29 sentyabridan erta bo‘lmasligi haqida xabar berilgan edi.

Iyul oyi oxirida “SpaceX” 2022 yilda o‘zining 32-marta “Falcon 9” missiyasini amalga oshirdi. Kompaniya orbital parvozlar bo‘yicha o‘zining yillik rekordini ham yangilashga muvaffaq bo‘ldi.

Iyun oyida esa kompaniya uchta “Falcon 9” raketasini havoga ko‘tarib, 36 soat ichida birinchi bosqichlarini qaytarish orqali oylik rekordini yangiladi.

• Astronomiya
• Koinot
• NASA
• kosmos