Farg‘ona viloyati Uchko‘prik tumanida 8 oylik chaqalog‘ini 10 ming dollarga sotayotgan ayol qo‘lga olindi.

Ma’lum bo‘lishicha, Uchko‘prik tumanida 22 yoshli ayol qizini 10 ming AQSH dollariga sotayotgan vaqtda ushlangan. Chaqaloq 2022-yilning avgust oyida tug‘ilgan bo‘lib, bolaning tug‘ilganlik haqidagi guvohnomasi ashyoviy dalil sifatida olib qolingan.

Ayolning so‘zlariga ko‘ra, u oilaviy sharoiti yaxshimasligi, puldan qiynalgani uchun bolasini sotgan.
“Bolaga zoriqqan bir opa bor ekan. Ham savob, ham uyim yo‘qligi uchun bolamni unga bermoqchi bo‘ldim” – deydi ayol.

Mazkur holat yuzasidan Jinoyat kodeksining 135-moddasi (odam savdosi) bilan jinoyat ishi qo‘zg‘atilib, tergov harakatlari olib borilmoqda.

• Farg‘ona
• IIB
• Odam savdosi