Gruziya prezidenti Salome Zurabishvili mamlakatda o‘tkazilgan parlament saylovlarini “noqonuniy” deb atadi. Bu haqda Gruziya nashrlari xabar berdi.

Shuningdek, davlat rahbari fuqarolarni norozilik namoyishlariga chiqishga chaqirdi.

“Bu saylovlarni tan olish mumkin emas. Bu Rossiyaning bu yerga kelishini, Gruziyaning Rossiyaga bo‘ysunishini tan olish bilan barobar. Saylovlar butunlay soxtalashtirilgan va men ularni tan olmayman”, – dedi Zurabishvili.

Gruziya ommaviy axborot vositalarining yozishicha, mamlakatning barcha to‘rt muxolifat partiyasi parlament saylovlari natijalarini tan olmayapti.

Prezident bunday vaziyatda u ko‘cha namoyishi formatini qo‘llab-quvvatlashini ma’lum qildi va hammani Rustaveli prospektiga chiqishga chaqirdi.

Ma’lumot uchun, “Gruziya orzusi” partiyasi 53 foiz ovoz to‘plagan, bu esa partiyaga hukumatni yakkaxon shakllantirish imkonini beradi.

• Gruziya
• saylov