Farg‘ona viloyati Beshariq tumanida sug‘oriladigan ekin yer maydonini o‘zboshimchalik bilan egallab olish holati aniqlandi. Bu haqda Bosh prokuratura huzuridagi Iqtisodiy jinoyatlarga qarshi kurashish departamentining matbuot xizmati xabar berdi.

Qayd etilishicha, Bosh prokuratura huzuridagi Departamentning Beshariq tumani bo‘limi tomonidan tergovga qadar tekshiruv o‘tkazilgan. Ushbu jarayon davomida fuqaro A.A. “B.A.” MChJning yuqori bonitetli sug‘oriladigan 1,2 gektar ekin yer maydonini  shartnoma asosida foydalanishga qabul qilib, ushbu yer maydonida o‘zboshimchalik bilan molxona binosini qurib olganligi aniqlangan.

Mazkur holat yuzasidan Jinoyat kodeksining 229-1-moddasi (yer uchastkalarini o‘zboshimchalik bilan egallab olish) bilan jinoyat ishi qo‘zg‘atilib, tergov harakatlari o‘tkazilmoqda.

• Farg‘ona
• Yer