Farg‘ona viloyatida Telegram messenjeri orqali noyob qush turi bo‘lgan avdotkani noqonuniy sotishga urinishning oldi olindi. Farg‘ona tumanidagi “Avval” mahallasida o‘tkazilgan tezkor reyd davomida huquqni muhofaza qilish organlari fuqaro I. N. avdotkani sotganligini aniqladilar.

Noqonuniy sotuv bekor qilindi, qush huquqbuzardan tortib olindi va uning xavfsizligi hamda farovonligini ta’minlash uchun vaqtincha Farg‘ona hayvonot bog‘iga joylashtirildi. Fuqaro I. N. ga nisbatan O‘zbekiston Respublikasi Ma’muriy javobgarlik to‘g‘risidagi kodeksining 92-moddasi bo‘yicha ma’muriy bayonnoma tuzildi va unga bazaviy hisoblash miqdorining 5 baravari miqdorida jarima solindi.

• Farg‘ona
• O‘zbekiston