Bugun, 25-mart kuni, O‘zbekiston milliy terma jamoasi Eron milliy terma jamoasiga qarshi 2026-yilgi Jahon chempionati saralashining uchinchi bosqichi doirasida safarda o‘yin o‘tkazadi.

Saralashning Osiyo mintaqasida har bir guruh (3 ta guruh)dan birinchi va ikkinchi o‘rinni egallagan jamoalar (jami 6 ta jamoa) to‘g‘ridan-to‘g‘ri 2026-yilgi Jahon chempionatiga yo‘llanma oladi. Shu bois, bugungi o‘yin O‘zbekiston terma jamoasi uchun muhim ahamiyatga ega.

Bugungi bahsgacha O‘zbekiston MTJ 16 ochko jamg‘argan holda Eron (19 ochko) termasidan keyin ikkinchi o‘rinda bormoqda yaqin ta’qibchilar BAA va Qatar bir xil 10 ochko to‘plagan.

Tehrondagi bahs “Ozodiy” stadionida Toshkent vaqti bilan soat 21:00 da start oladi.

Shuningdek, bugun Jahon chempionati Osiyo saralash mintaqasining uchinchi bosqichi doirasida “A” guruhida quyidagi uchrashuvlar bo‘lib o‘tadi:

Qatar — Birlashgan Arab Amirliklari (BAA): Doha shahrida, Toshkent vaqti bilan soat 20:30 da boshlanadi.

Qirg‘iziston — Koreya Xalq Demokratik Respublikasi (KXDR): Bishkek shahrida, Toshkent vaqti bilan soat 19:00 da boshlanadi.

Ushbu uchrashuvlar “A” guruhi jamoalari uchun muhim ahamiyatga ega bo‘lib, har bir jamoa Jahon chempionati “chipta”si yo‘lida muhim va hal qiluvchi ochkolarni qo‘lga kiritishi mumkin.

• Eron
• Futbol
• O‘zbekiston
• Tehron