Toshkent shahrining Yunusobod, Mirzo Ulug‘bek, Olmazor, Shayxontohur, Chilonzor, Uchtepa va Yakkasaroy tumanlarida 26-mart kuni soat 18:00 gacha issiq suv ta’minoti o‘chirildi. Bu haqda Veolia Energy Tashkent xabar qildi.

Kompaniya 2025−2026-yilgi isitish mavsumiga puxta tayyorgarlik ko‘rish ishlarini davom etayotganini qayd etgan. Shu munosabat bilan 26-mart kuni soat 9:00 dan 18:00 gacha quyidagi manzillarida issiq suv ta’minoti vaqtincha to‘xtatiladi.

Yunusobod tumani — Amir Temur, Osiyo, Bog‘ishamol, Minor, Chingiz Aytmatov, Kichik halqa yo‘li, Mingo‘rik, Abdulla Qodiriy, Bodomzor, Ko‘rgazma, Ko‘zitarnoq, Shivli ko‘chalari, Markaz-2, 4, 5, 6 dahalari.

Mirzo Ulug‘bek tumani — Mustaqillik, Hamid Olimjon, Markaz-1.

Olmazor tumani — Gulsaroy, Sebzor, Oltinsaroy, Shimoliy Olmazor, Nurafshon, Qoraqamish, Taxtapul, Muxbir, Qoraqamish 1/1, ½, 1/3, ¼, 2/1, 2/3, 2/4, 2/5.

Shayxontohur tumani — Zulfiyaxonim, Labzak, Markaz-12, 15.

Chilonzor tumani — Zargarlik, Qatortol, Guliston, Farhod, Cho‘ponota, Kichik halqa yo‘li, Naqqoshlik, Do‘mbirobod, Serquyosh, Usmur, Tohiyatosh, Al-Xorazmiy, Qizil Sharq, Algoritm, Massiv-5, 6, 8, 9, Markaz 10, 16, 17, 18, 19, 20, 20a, G-35.

Uchtepa tumani — Lutfiy, Shirin, Shayxzoda, Katta Xirmontepa, Farhod.

Yakkasaroy tumani — Kichik halqa yo‘li, Bog‘ibo‘ston.

Kompaniya vaqtincha keltirilgan noqulayliklar uchun uzr so‘ragan.

• issiq suv