Farg‘ona viloyatining Qo‘qon shahrida yo‘llarda xavfsizlikni ta’minlash, qo‘pol qoidabuzarliklarning oldini olish maqsadida navbatdagi reyd tadbirlari o‘tkazildi.

Aniqlangan holatlarning birida, Cobalt rusumli avtotransport vositasi to‘xtatilganda, mashinani 13 yoshli bola katta yo‘lda boshqarib ketayotganligi aniqlandi. Hozirda ushbu holat yuzasidan ma’muriy bayonnoma rasmiylashtirilib, avtomobil vaqtincha saqlash joyiga joylashtirildi.

Navbatdagi aniqlangan holatda, Qo‘qon shahrida yo‘l harakati qatnashchilariga xalal berib, qoida buzib guruh bo‘lib harakatlangan bir qancha haydovchilarga ham tushuntirish ishlari olib borildi va tegishli tartibda bayonnomalar rasmiylashtirildi.

Shuningdek, YPX inspektorlarining to‘xtash ishorasiga bo‘ysunmasdan harakatlanib ketgan bir qancha haydovchilarda haydovchilik guvohnomasi yo‘qligi aniqlandi. Ularning barchasi bilan ham tegishli tartibda profilaktik suhbat o‘tkazilib, ma’muriy bayonnomalar rasmiylashtirildi.

• IIBB
• Qoidabuzarlik
• Xavfsizlik
• Yo'llar