“Ferrari” kompaniyasi kanadalik xonanda Jastin Biberni oʻzining “qora roʻyxati”ga kiritdi. Ijodkor italyan markasiga tegishli boʻlgan sportkarlarning egalari uchun belgilangan “axloq kodeksi”ni buzgan.

Kompaniyaga Biberning “Ferrari 458 Italia” mashinasini “mukammallashtirish”ga harakat qilayotgani maʼqul kelmagan. Ushbu model 2009-2015 yillar mobaynida 1200 ta nusxada ishlab chiqarilgan. 2016 yili Kaliforniyaning “West Coast Customs” atelesi tyunerlari xonandaga tegishli boʻlgan mashinaga 20-dyuymli “Forgiato Dieci-ECL” gʻildiraklarini oʻrnatishgan. Sportkarning ustki qismiga koʻk rangli “Forgiato Blue” plyonkasi yopishtirilgan, salon ichida qimmatbaho audiotizim paydo boʻlgan.

Xonanda oʻziga tegishli avtomobilning qayerda ekanligini unutib qoʻygani esa kompaniya vakillarining sabr kosasini toʻldirgan.

Sportkar yoʻqolgandan keyin oradan 3 hafta vaqt oʻtib izquvarlar tomonidan Beverli-Xilldagi “Montage” mehmonxonasi yonidan topilgan.

Biber “Ferrari 458 Italia” avtomobilini 2018 yilda 434,5 ming AQSh dollariga sotib olgan edi. Kompaniyaning “qora roʻyxat”idan reperlar 50 Cent va Tyga, aktyor Nikolas Keyj, bokschi Floyd Meyvezer-kichik, fotomodel Kim Kardashyan ham oʻrin olgan. “Ferrari” ulardan oʻz mashinalariga yetarlicha eʼtibor eʼtibor bermaganlari uchun ranjigan.

• Shou-biznes
• ijod
• mashhurlar