Khaleej Times nashri xabariga ko‘ra, Saudiya Arabistonining Toif shahridagi “Green Mountain Park” bog‘ida “360 daraja” nomli attraksion odamlari bilan birga qulab tushgan.

Ma’lumotlarga ko‘ra, hodisa vaqtida attraksionning markaziy tayanchi ikkiga bo‘linib ketgan va undagi odamlar kuchli zarba bilan yerga qulagan.

Kamida 23 kishi tan jarohati olgan, ularning ayrimlari og‘ir ahvolda. Hodisaning aniq sanasi oshkor etilmagan, biroq unga oid video lavhalar 31-iyul kuni ijtimoiy tarmoqlarda tarqalgan.

Favqulodda xizmatlar zudlik bilan voqea joyiga yetib borib, qutqaruv ishlarini boshlagan. Hodisaning sabablarini aniqlash bo‘yicha hozirda tergov olib borilayotgani ma’lum qilingan.

• Saudiya Arabistoni