G‘azo sektori va Misr o‘rtasidagi yagona chegara punkti 1-fevraldan boshlab qisman ishga tushdi. Misrdagi Xalqaro Qizil Xoch va Qizil Yarim Oy harakati bo‘limining xabar berishicha, Rafah orqali davolanishga muhtoj bo‘lgan bir nechta falastinlik bemorlar Misrga o‘tkazilgan. Ularning umumiy soni 50 nafarga yetishi mumkin.

DPA agentligiga ko‘ra, hozircha Rafah orqali Misrdan G‘azo sektoriga gumanitar yordam yetkazilishi tiklanishiga doir belgilar yo‘q. Hozirgi vaqtda gumanitar yordam Misr va Isroil o‘rtasidagi Kerem-Shalom chegara punkti orqali yetkazilmoqda, bu yerda yuklar isroillik askarlar tomonidan tekshiruvdan o‘tkaziladi. Ayni paytda, Misrning Sinay yarim orolida 3000 ta yuk mashinasi G‘azoga yordam yetkazish uchun tayyor turgani aytilmoqda.

• Chegara
• Falastin
• G‘azo
• Misr