Toshkent shahrida Germaniyaga ishga yuborish tayyorlov markazi ochildi. Xususan Shveysariya tashkiloti bilan olib borilgan muzokaralar natijasida O‘zbekiston respublikasi fuqarolarini Germaniya Respublikasi va Yevropa Ittifoqi mamlakatlariga vaqtinchalik hamda doimiy mehnat faoliyatiga jalb qilish bo‘yicha ikkita loyihani amalga oshirish yuzasidasn kelishuvga erishilgan.

- Vatandoshlarimiz ketsa, 3 yildan 5 yilgacha Germaniyada mehnat faoliyatini amalga oshiradi. Undan keyin ular albatta ish beruvchi bilan kelishgan holda davom ettirish imkoni bo‘ladi, yoki qaytib kelishlari mumkin. Qaytib keganlaridan keyin ular Germaniya malakasini O‘zbekistonda ishlatish, ya’ni, Germaniya standartlarini o‘zimizning davlat tibbiyot sohasiga kiritishga, albatta, yordam beramiz. Ular yurtimizga kelib ishlashi bizning tibbiyot sohamizga rivojlangan davlatlarning tajribasini keng joriy qilishga katta imkon yaratadi, deyiladi xabarda.

Shuningdek, mazkur kelishuv doirasidan Tashqi mehnat migratsiyasi agentligi xorijiy tashkilotlar bilan hamkorlikda fuqarolarni 10 oylik dastur asosida tayyorlab Germaniyadagi tibbiyot muassasalariga jalb qilinadi.

Qayd etilishicha, loyiha doirasida o‘qishga jalb etiladigan nomzodlar bepul turar-joy bilan ta’minlanadi. Ularni tayyorlash dasturi zamonaviy o‘quv dasturlari vositalarida germaniyalik mutaxassislar tomonidan olib boriladi.

Shuningdek, germaniyalik loyiha rahbarining aytishicha, ishga olib ketilayotgan xodimlarning oylik maoshi bir oyda 2000 yevrodan ortiq, ya’ni, 25 million so‘mni tashkil etadi.

- Hozirgi paytda Germaniyada ayni tibbiyot sohasida mutaxassislar yetishmovchiligi juda katta. O‘zbekiston bilan amalga oshirayotgan loyihamizning bu dastlabkisi bo‘lib, shu yil 500 nafar kishini Germaniyaga olib ketmoqchimiz. Kelasi yil esa kamida 1000 nafardan olib ketiladi. Sababi davlatimiz shifoxonalarida 40 mingga yaqin tibbiyot sohasidagi xodimlar yetishmayapti. Shuningdek, kelajakda boshqa soha vakillarini ham qo‘llab-quvvatlash niyatidamiz, deydi germaniyalik loyiha rahbari. 
 

• Germaniya
• Migratsiya