31°
Kechasi 18°
67 yoshli Gollivud yulduzi Bryus Uillis oilasi aktyorga manglay-chakka demensiya (frontotemporal demensiya) tashxisi qo‘yilgan.
Qayd etilishicha, hozirda kasallik tobora rivojlanib bormoqda. 2022-yil mart oyida Uillisning yaqinlari u nutqining buzilishi sabab aktyorlik karyerasini yakunlayotganini e’lon qilgandi.
“2022-yilning bahorida Bryusga tashxis qo‘yilganidan beri uning ahvoli yaxshilana boshlagan edi. Bizda endi aniqroq tashxis bor: bu frontotemporal demensiya. Afsuski, nutqdagi muammolar Bryus duch kelgan kasallikning dastlabki alomatlaridan biridir. Bu og‘riqli bo‘lsa-da, nihoyat aniq tashxis qo‘yish biroz yengillik tug‘diradi. Bugungi kunda bu kasallikning davosi yo‘q va kelgusi yillarda bu haqiqat o‘zgarishiga umid qilamiz”, – Uillisning sobiq rafiqasi Demi Mur, hozirgi rafiqasi Emma Xeming va besh nafar qizi tomonidan taqdim etilgan bayonotda.
Ushbu kasallik asosan insonning xarakteriga, uning xatti-harakati va nutqiga ta’sir qiladi. 60 yoshdan kichik odamlarda frontotemporal demensiyaning eng keng tarqalgan shakli hisoblanadi.
Aktyor oilasidagilarning ta’kidlashicha, Bryus har doim hayotdan quvonch topib kelgan va o‘zi bilgan har bir kishiga ham shunday imkoniyat bo‘lishida yordam bergan.
Eslatib o‘tish mumkin, Uillis o‘tgan yilning mart oyida kino olamini tark etdi. So‘ngra ma’lum bo‘lishicha, shifokorlar unga afazi (miya shikastlanganidan keyin paydo bo‘lishi mumkin bo‘lgan orttirilgan nutq buzilishi) tashxisini qo‘yishgan.
Uillisning dastlabki tashxisi shuni ko‘rsatdiki, u gapirish, yozish va tilni tushunishda qiynalgan. Biroq, shunday murakkab ahvoliga qaramay, aktyor omma oldida chiqishda davom etavergan.
Aktyor, prodyuser va musiqachi Uillis Gollivuddagi eng ko‘p maosh oluvchi ijodkorlardan biri bo‘lgan. U “Qattiq yong‘oq” serialidagi polisiya zobiti Jon Makleyn roli, shuningdek, “Oltinchi hissiyot”, “Beshinchi element”, “12 maymun”, “Oxirgi boyskaut”, “Armageddon”, “Slevinning omadli soni” va “Jinoiy cho‘pchak” kabi o‘nlab filmlar orqali tanilgan.
Faoliyati davomida, “Oltin Globus” va “Emmi” singari mukofotlarni qo‘lga kiritgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
