Osiyo va Afrika davlatlari havoni ifloslanish darajasi yuqori bo‘lgan davlatlar ro‘yxatida yetakchilik qilishda davom etmoqda.

Bu haqda Chikago universiteti energetika siyosati instituti tadqiqotchilari tomonidan tuzilgan yillik havo sifati hayot indeksida aytiladi.

Mutaxassislar atmosferadagi mayda PM 2,5 zarralari konsentratsiyasini baholab, Bangladesh, Hindiston, Pokiston, Xitoy, Nigeriya va Indoneziyada yashovchi odamlar hayoti va sog‘lig‘i eng ko‘p xavf ostida ekanligini aniqlashdi.

Tadqiqotchilarning fikricha, Janubiy Osiyoda PM2.5 darajasi 2013-yildan buyon deyarli 10 foizga oshgan va bu mintaqada umr ko‘rish davomiyligini taxminan besh yilga qisqartirgan. Mutaxassislarning qoʻshimcha qilishicha, Markaziy va Gʻarbiy Afrikada energiya isteʼmoli ortib borayotgani sababli havoning PM 2,5 zarrachalari bilan ifloslanishi odamlar uchun OIV/OITS yoki bezgak kabi jiddiy xavfga aylangan.

• Ifloslanish
• Ob-havo