Hindiston Bosh vaziri Narendra Modi G20 davlatlari Ukraina masalasini tinchlik bilan hal qilish yoʻlini izlashga hissa qoʻshishlari kerakligini aytdi. Siyosatchi bu haqida G20 sammiti doirasida oʻtkazilgan “Oziq-ovqat va energetika xavfsizligi” sessiyasi chogʻida soʻz yuritdi.
“Men Ukraina masalasida oʻt ochishni toʻxtatish va diplomatiya yoʻliga qaytish chorasini topishimiz kerakligini bir necha bor taʼkidlaganman. Oʻtgan asrda Ikkinchi jahon urushi dunyoga juda katta zarar yetkazdi. Shundan soʻng oʻsha davr yetakchilari tinchlik yoʻliga qaytish uchun jiddiy harakat qildilar. Endi bizning navbatimiz keldi. Koronavirusdan keyin yangi dunyo tartibini yaratish masʼuliyati bizning yelkamizda. Dunyoda tinchlik, totuvlik, xavfsizlikni taʼminlash boʻyicha aniq va jamoaviy qatʼiylikni namoyon etish zamon talabi boʻlib turibdi. Ishonchim komilki, kelgusi yili “Katta yigirmatalik” Budda va Gandining muqaddas diyorida uchrashganida barchamiz uchun hal qiluvchi ahamiyatga ega boʻlgan tinchlik missiyasini dunyoga taqdim etishga kelishamiz”, – dedi Hindiston Bosh vaziri.
Eslatib oʻtamiz, G20 sammiti doirasidagi uchrashuvlar yopiq eshiklar ortida oʻtkazilmoqda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!