Hindiston kompaniyalari guruhi O‘zbekistonda avtomobil va motor moylarini ishlab chiqarishni rejalashtirmoqda.

Bu haqda Mumbayda O‘zbekiston elchisi Sardor Rustambayevning Hindistonning yetakchi kompaniyalari guruhi rahbarlari “Hinduja Group – India” raisi Ashok Hinduja va “Hinduja Group – Europe” raisi Prakash Hinduja bilan muzokaralarida so‘z yuritildi.

Hindiston tomoni O‘zbekistonda yangilanish va modernizatsiya jarayoni yuqori xalqaro reytingga ega yirik kompaniyalarning mamlakat bozoriga chiqishi va samarali sheriklik aloqalarini yo‘lga qo‘yishi uchun mustahkam zamin yaratayotganini ta’kidladi. 

Tomonlar O‘zbekistonda, xususan, avtotransport vositalari va motor moylarini ishlab chiqarish bo‘yicha qo‘shma loyihalarni amalga oshirish masalalarini muhokama qildilar.

• Avtomobil
• Hamkorlik
• Hindiston
• O‘zbekiston