Al-Mayadeen telekanalining xabar berishicha, Livanning “Hizbulloh” harakati qurolli kuchlari Isroil armiyasining Safed shahrida joylashgan shtab-kvartirasiga raketa hujumi uyushtirgan.
Qayd etilishicha, Safed shahri Livan bilan chegaradan 20 km uzoqlikda joylashgan. Xabarga ko‘ra, zarba berilgan shtab-kvartira Isroil shimolida joylashgan Isroil armiyasi bo‘linmalariga qo‘mondonlik qilmoqda.
Hozircha mazkur xabarga Isroil tomonidan hech qanday munosabat bildirilmagan.
Avvalroq, Isroil nashrlari “Hizbulloh” rahbari o‘rinbosari Naim Qosim guruh Isroil bilan sulh tuzishga tayyorligini ma’lum qilgandi.
“Qosimning so‘zlariga ko‘ra, o‘t ochishni to‘xtatish masalasi diplomatik yo‘l bilan hal bo‘lgach, qo‘shimcha tafsilotlar muhokama qilinib, tegishli qarorlar qabul qilinishi mumkin”, deyiladi nashr xabarida.
Qosim, shuningdek, Livan parlamenti spikeri Nabih Berrining tinch hayotni tiklashga qaratilgan sa’y-harakatlarini eslatgan va vaziyatni hal qilish bo‘yicha tashabbuslarni qo‘llab-quvvatlagan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!