Rossiya tomonidan Ukrainaning egallangan hududlarida harbiy asirlar va tinch fuqarolar Rossiya tomonidan tayinlangan mahalliy “hokimiyat vakillari”ning roziligi bilan muntazam qiynab kelingan. Bu haqida BMTning Ukrainadagi huquqbuzarliklar bo‘yicha tergov komissiyasi hisobotida aytildi.

Yangi dalillar Birlashgan Millatlar Tashkiloti ekspertlarining Ukrainaning bosib olingan hududlarida, ayniqsa qamoqxonalarda qiynoqlar keng tarqalganligi haqidagi oldingi xulosalarini tasdiqlaydi, shuningdek, mahbuslarni qiynashda Rossiya Federatsiyasining «aniq xizmatlar xodimlari» ishtirok etganligini ko‘rsatadi, deydi BMT Inson huquqlari kengashiga taqdim etilgan hisobot mualliflari.

“Qiynoqlarning keng jug‘rofiy ko‘lami va keng tarqalgan shakllari qiynoqlar umumiy va qabul qilingan amaliyot sifatida jazosizlik hissi bilan amalga oshirilganligini ko‘rsatadi”, — dedi BMT komissiyasi.

BMT ekspertlarining fikricha, asosan erkaklarga nisbatan jinsiy zo‘ravonlik Ukrainada bosib olingan hamma qamoqxonalarida qo‘llaniladigan qiynoq usullaridan biriga aylangan.

Mahbuslarni qiynash haqidagi buyruqlari “Rossiya hukumatining yuqori martabali vakillari” tomonidan berilgan.

“Eng yomoni, jinoyatchilar hamma narsani jimgina va professional tarzda qilishgan, shuning uchun ular ko‘pchilikni qiynashganini va ular bizni odamlar deb hisoblamaganini angladim”, — deya hisobotda ulardan birining so‘zlari keltiriladi.

Qiynoqlar ko‘plab jabrlanuvchilarga jiddiy yoki tuzatib bo‘lmaydigan jismoniy zarar va jarohatlar keltirdi, deya ta’kidlaydi BMT komissiyasi. 

• BMT
• Jahon
• Rossiya
• Ukraina