Amerikalik tadbirkor, “Tesla” va “SpaceX” kompaniyalari asoschisi Ilon Mask “Starship” kosmik kemasining birinchi sinov parvozi muvaffaqiyatli o‘tishidan umid qilmasligini aytdi. Milliarder bu haqida o‘zining “Twitter”dagi rasmiy sahifasida yozib qoldirgan.

Kosmik kema parvozi bugun, 17-aprel sanasiga rejalashtirilgan. “SpaceX” kompaniyasi mahalliy vaqt bilan 07:00-08:00 da kemani “Super Heavy” raketa tashuvchisi yordamida orbitaga chiqarishi kutilmoqda. Biroq Ilon Mask kema parvozi ma’lum muddatga qoldirilishi mumkinligini ham aytib o‘tgan.

Mask ilk parvoz muvaffaqiyatli o‘tishiga umid qilmasligi, raketa dvigatellari – konstruksiyaning eng nozik qismi ekanligini ta’kidlagan. Internet foydalanuvchilari Maskning so‘zlaridan milliarder raketaning parvoz maydonchasida portlab ketishini istamasligi, agar shunday holat haqiqatdan sodir bo‘lsa, keyingi urinishga tayyorgarlik ko‘rish uchun bir necha oy vaqt kerak bo‘lishini tushunib olishgan.

• Raketa
• SpaceX
• ilon
• milliarderlar