IQ – insonning aqliy qobiliyatini baholovchi test tizimi, undan to‘plangan ballar quyidagi olti toifaga ajratiladi.

Juda past – umumiy to‘plangan ballar 79 dan kichik;
O‘rtachadan past – 80 va 89 oralig‘i;
O‘rtacha – 90 va 110 oralig‘i;
O‘rtachadan yuqori – 111 va 120 oralig‘i;
Talantli – 121 va 130 oralig‘i;
Juda talantli – 130 va undan yuqori.

Yuqori IQ darajasiga ega bo‘lgan inson, o‘qiyotgan narsasi qanchalik qiyin bo‘lsa ham uni tushunadi va suhbat qanchalik murakkab mavzu haqida bo‘lmasin uni anglay oladi. Lekin u kitob o‘qishga, bilimli odamlar bilan suhbat qilishga kuch va vaqt sarflamas ekan, yuqori IQ ko‘rsatgichi hayotda ko‘p ham samara bermasligi mumkin.

Xuddi eng baland bo‘yli basketbolchi, eng zo‘r basketbolchi bo‘lishi shart bo‘lmaganidek, eng yuqori IQ darajasiga ega odam ham eng muvaffaqiyatli inson bo‘lishini bildirmaydi. Ammo professional basketbolchi bo‘lish uchun talab qilinadigan minimal balandlik mavjud. Bu 186 santimetr. Xuddi shu kabi minimal IQ darajasi bu – 130.

Sizni ko‘rsatgichingiz bu minimal chegaradan yuqori bo‘lsa, sizda intellektual sohada yuqori marralarga erishishga potensialingiz yuqori degani, ammo hammasi o‘zingizga bog‘liq. Biz hammamiz IQ darajamizni ko‘p kitob o‘qish orqali oshirishimiz ham mumkin.

• ilm-fan