2023-yilda iqtisod bo‘yicha Nobel mukofoti laureati amerikalik Klaudiya Goldin deb topildi. U mukofotni “mehnat bozorida ayollarning roli haqida olib borgan tadqiqotlari uchun” qo‘lga kiritdi.
Klaudiya Goldin tadqiqotida mehnat bozoridagi gender farqlarining asosiy omillarini ochib bergan.
“O‘tgan asrda ko‘plab yuqori daromadli mamlakatlarda haq to‘lanadigan ishda ayollar ulushi uch barobarga oshdi. Bu zamonaviy davrda mehnat bozoridagi eng katta ijtimoiy va iqtisodiy o‘zgarishlardan biridir, ammo jiddiy gender farqlari saqlanib qolmoqda. Birinchi marta 1980-yillarda tadqiqotchi ushbu farqlar manbasini tushuntirish uchun kompleks yondashuvni qo‘lladi. Klaudiya Goldinning tadqiqotlari bizga ayollarning mehnat bozoridagi tarixiy va zamonaviy rollari haqida yangi va tez-tez hayratlanarli tushunchalarni berdi”, – dedi Nobel qo‘mitasi a’zosi.
2022-yilda iqtisod bo‘yicha Nobel mukofoti Ben Bernanke, Duglas Diamond va Filipp Dyubvigga “moliyaviy inqirozlar va bank ishi bo‘yicha tadqiqotlari uchun” berilgan edi.
Iqtisodiyot bo‘yicha Alfred Nobel mukofoti Nobel haftaligiga yakun yasadi. Tinchlik mukofotidan tashqari barcha Nobel mukofotlarini topshirish marosimi 10-dekabr kuni Stokgolmda bo‘lib o‘tadi.
Tinchlik mukofoti ham o‘sha kuni, faqat Osloda topshiriladi.
Tinchlik bo‘yicha 2023- yilgi mukofot g‘olibi hibsdagi eronlik huquq himoyachisi Nargis Muhammadiga berilgan edi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!