“Isroil har doim gumanitar yordam ko‘rsatishga tayyor, lekin bu yordamlar soni yahudiy davlatining milliy xavfsizlik sabablari tufayli cheklangan”, - dedi Isroil Prezidenti.

“Bu jamoat oldida tez-tez muhokama qilinadigan masala, shuning uchun keling, to‘g‘risini aytaylik. Birinchidan, Isroil barcha xalqaro forumlarda xalqaro hamjamiyat va Qo‘shma Shtatlar bilan hamfikrdir. Ikkinchidan, albatta, biz buni ochiq aytdik. Biz Ukraina hududiy yaxlitligining har qanday buzilishiga qarshimiz.Ammo eng muhimi, albatta, Isroil qator masalalarda, gumanitar masalalarda jiddiy yordam bermoqda”, - davlat rahbari Vashingtonga tashrifi chog‘ida.

Uning so‘zlariga ko‘ra, Ukrainadagi turli ko‘ngilli tashkilotlar va NNTlarni ko‘zdan keshirilsa, u yerda ibroniy tili ustunlik qiladi.

“Kasalxonalar tashkil qildik, biz Ukrainani tibbiy asbob-uskunalar bilan ta’minladik, ukrainalik askarlar Isroil kasalxonalarida davolanmoqda, ko‘plab jihozlarni taklif qildik. Ukrainaga raketa hujumlarini erta aniqlash uchun fuqarolik tizimlarini ham taklif qilindi - Isroil bu borada katta tajribaga ega”, - deb ta’kidladi Prezident.

Davlat rahbarining fikricha, Isroil oʻzining strategik va xavfsizlik nuqtai nazaridan qoʻlidan kelganini qilmoqda.

Ma’lumot uchun, Ukraina tashqi ishlar vaziri Dmitriy Kuleba 18 oktabr kuni uning mamlakati Isroil hukumatiga rasmiy xabar yuborib, Kiyevni havo hujumidan mudofaa tizimlari bilan zudlik bilan ta’minlashni so‘ragan edi.

Hozircha Isroil Ukrainaga hech qanday harbiy yordam bermagan va mamlakatga gumanitar yuk jo‘natish va jangovar harakatlar natijasida yaralangan ukrainaliklarga tibbiy yordam ko‘rsatish bilan cheklangan.

• Isroil
• Quddus
• Rossiya
• Ukraina