Isroil va XAMAS o‘rtasidagi vaqtinchalik sulh doirasida garovga olinganlarni ozod qilish jumagacha kechiktirildi. Bu haqda Reuters xabar berdi.
Nashr ma’lumotlariga ko‘ra, kelishuv XAMAS va muzokaralarda vositachi Qatar tomonidan imzolanmagani uchun 24 soatlik kechikish sodir bo‘lgan.
Isroil bosh vaziri matbuot xizmati o‘rtada ayrim noaniqliklar borligi uchun sulh juma kuniga qadar kechikishi mumkinligini ma’lum qilgan.
Keyinga surilgan sulhning boshqa sabablari bormi? Isroil matbuotiga ko‘ra, kelishuv doirasida XAMAS ozod etilishini rejalashtirayotgan asirlarning ro‘yxatini taqdim etishi kerak bo‘lgan ammo rasmiylar hozircha ro‘xyxatni olmagan.
Bir kun avval Isroil hukumati G‘azo sektorida garovga olingan ayollar va bolalarni ozod qilish bo‘yicha XAMAS bilan kelishuvga ovoz bergani xabar qilingan edi. Bitim jangovar harakatlarda to‘rt kunlik tanaffus evaziga 50 nafar ayol va bolani ozod qilishni nazarda tutgan.
Reuters xabariga ko‘ra, XAMAS shu kungacha to‘rt nafar asirni ozod qilgan: AQSh fuqarosi 59 yoshli Judit Raanan, uning qizi 17 yoshli Natali Raanan, shuningdek, isroillik 79 yoshli Nurit Kuper va 85 yoshli Yocheved Lifshits.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!