Blokadadagi G‘azo sektorining markaziy qismidagi Dayr al-Baloh shahrida falastinlik bolalar tinchlik talabi bilan miting o‘tkazildi. Bu haqda “Anadulu” xabar berdi.

Qayd etilishicha, o‘nlab bolalar Al-Aqsa shahidlari kasalxonasi oldida to‘planib, maktabga qaytish imkoniyatiga ega bo‘lishlarini talab qilishgan.

Aksiyani bir guruh falastinlik faollar tashkil qilgan. Bolalar shifoxonaga “Ta’lim – bizning huquqimiz, bizga o‘qish imkoniyati berilishini talab qilamiz”, “Biz tinchlik va xavfsizlikda yashashni xohlaymiz” yozuvlari yozilgan plakatlar bilan kelishgan.

“Biz dunyodagi boshqa bolalar kabi tinchlik va xavfsizlikda yashashni, uyimizga, maktablarimizga qaytishni istaymiz. Nega ular bizning hayotimizni buzishdi? Biz tinch yashashga loyiq emasmidik?”, - dedi to‘qqiz yoshli Iymon.

Shuningdek, bolalar tomonidan kuy-qo‘shiqlar, raqslar ijro etilgan.

• Bolalar
• Falastin
• miting