Isroil armiyasi chorshanbaga o‘tar kechasi bloklangan eksklavning turli qismlarini o‘qqa tutdi, deya xabar bermoqda WAFA.

Qayd etilishicha, Isroil armiyasi samolyotlari G‘azoning turli joylarida falastinliklarning uylariga hujum uyushtirgani oqibatida 7 nafar falastinlik halok bo‘lgan, 9 nafari yaralangan.

“Boshqa tomondan, Isroil armiyasining uchuvchisiz samolyoti Jabaliyadagi bir guruh falastinliklarga zarba bergan. Havo hujumida bir falastinlik halok bo‘ldi, ikki kishi og‘ir yaralandi”, deyiladi xabarda.

Shuningdek, Er-Rimal va Ez-Zuytur mahallalari ham katta havo hujumlariga uchragan.

Ayni paytda Isroil harbiy-dengiz kuchlari G‘azo sektorining shimoliy qirg‘og‘ini o‘qqa tutgan. Blokadadagi anklavning markaziy qismidagi Nusayrat qochqinlar lageri esa artilleriyadan o‘qqa tutilgan.

• Falastin
• Havo hujumi