Jahon banki Ukrainadagi shoshilinch ehtiyojlarni qondirish uchun 500 million dollar ajratishni ma’qulladi.
Jahon banki Buyuk Britaniya kafolati bilan qo‘llab-quvvatlanadigan Xalqaro tiklanish va taraqqiyot bankining (XTTB) krediti hisobidan 500 million dollar miqdorida qo‘shimcha moliyalashtiradi. Ushbu mablag‘lar Ukraina hukumatiga bolalar va oilalar nafaqalari, davlat xizmatchilarining maoshlari va kommunal to‘lovlar bilan bog‘liq xarajatlarda yordam beradi.
Jahon banki, shuningdek, Ukrainani sog‘liqni saqlash xizmatlaridan foydalanish imkoniyatlarini tiklash va yaxshilash bo‘yicha yangi loyiha bilan qo‘llab-quvvatlaydi.
Shuningdek, ushbu moliyaliv yordam sog‘liqni saqlashni yaxshilash va hayotni saqlash (HEAL Ukraine) loyihasi birlamchi tibbiy yordamni yaxshilaydi va urush tufayli reabilitatsiya xizmatlari, kasalxonalarda xizmat ko‘rsatishni tiklash va kuchaytirishga yordam beradi.
Loyihani dastlabki moliyalashtirish XTTBning 105 million dollardan ortiq krediti, ayollar, bolalar uchun global moliyalashtirish fondining (GFF) 10 million dollarlik grantini oʻz ichiga oladi.
Bundan tashqari Jahon banki guruhi prezidenti Devid Malpass Jahon banki Ukraina xalqini qo‘llab-quvvatlash uchun favqulodda 18 milliard dollar ajratganini ma’lum qildi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!