Amerika Qo‘shma Shtatlari terma jamoasi haqida siz bilgan va bilmagan faktlar

Amerika Qo‘shma Shtatlari terma jamoasi tarixi.

AQSh terma jamoasi Qo‘shma Shtatlar futbol federatsiyasi tomonidan tashkil etilgan va FIFA hamda CONCACAF ya’ni Shimoliy, Markaziy Amerika va Karib dengizi davlatlari futbol konfederatsiyasiga a’zo. AQSh Jahon chempionatlarida 11 marta ishtirok etgan. Ilk marta 1930-yilgi Urugvaydagi dastlabki mundialda. O‘shanda terma jamoa yarim finalga qadar yetib borgan. So‘ngra 1934-yilgi hamda 1950-yilgi mundialda Angliya termasini 1-0 hisobida mag‘lub etgan. Shundan so‘ng 1990-yilgacha AQSh saralash bosqichidan o‘tolmagan. 1994-yilgi mundial mezbonligini aynan Qo‘shma Shtatlar qo‘lga kiritdi. O‘z uyidagi chempionatda AQSh nimchorak finalda Braziliya termasiga mag‘lub bo‘lgan.

Shundan keyin esa Amerikaliklar ketma ket 1990-yildan 2014-yilga qadar barcha mundiallarda muntazam ishtirok etdi, (mazkur natija faqatgina 7 ta davlatga tegishli bo‘lgan) ba’zi turnirlarda esa pley-off bosqichiga ham o‘tishni uddalagan. Shu jumladan, 2002-yilgi Jahon chempionatida AQSh chorak finalgacha yetib brogan hamda Germaniyaga yutqazgan holda turnir bilan xayrlashgan.

2009-yilgi Konfederatsiyalar kubogida amerikaliklar reytingda birinchi o‘rindagi Ispaniyani yarim finalda mag‘lubiyatga uchratib, finalda Braziliyaga mag‘lub bo‘lishdi, mazkur natija terma jamoaning qit'alararo yirik turnir finalida yagona yaxshi natijasi edi.

AQSh, shuningdek, qit'a turnirlarida, jumladan, CONCACAF Oltin Kubogi va Amerika Kubogida ishtirok etadi. AQSh yetti marta Oltin kubokni va KONKAKAF Millatlar ligasining ilk chempionligini qo‘lga kiritgan va 1995- va 2016-yillarda ikkita Amerika Kubogida to‘rtinchi o‘rinni egallagan.

AQSh terma jamoasining ilk xalqaro o‘yini 1914-yil Shveytsiya poytaxti Stokgolm shahrida mezbonlar Shevytisiyaga qarshi kechgan va 2-3 hisobida g‘alaba qozongan.

Terma jamoa tarixidagi eng yirik g‘alaba 2008-yilda Barbados terma jamoasini 8-0 mag‘lub etgan.

Eng yirik mag‘lubiyat esa, 1948-yilda Norvegiya poytaxti Oslo shahrida mezbon Norvegiyaga 11-0 hisboda mag‘lub bo‘lgan.

Ta’kidlab o‘tganimizdek, AQShning Jahon chempionatlaridagi ilk ishtiroki 1930-yilgi mundial.

Jahon chempionatlaridagi eng yaxshi natijasi xuddi o‘sha mundialda 3-o‘rin.

AQSh dunyo terma jamoalari reytingidagi eng yaxshi natijasi 4-o‘rin 2006-yil.

Terma jamoaning futbolkalari bo‘yicha hamkorlar:
Adidas 1984-1994 yilgacha;

Nike 1995-yildan hozirgacha.

AQSh terma jamoasida eng ko‘p o‘yinlarda ishtirok etgan futbolchilar:

1. Kobi Jons 164 ta o‘yin 15 ta gol 1992-yildan 2004-yilgacha
2. Lendon Donovan 157 ta o‘yin 57 ta gol 2000-yildan 2014-yilgacha
3. Maykl Bredli 151 ta o‘yin 17 ta gol 2006-yildan 2019-yilgacha
4. Klint Dempsi 141 ta o‘yin 57 ta gol 2004-yildan 2017-yilgacha
5. Jef Agus 134 ta o‘yin 4 ta gol 1988-yildan 2003-yilgacha
6. Marselo Balboa 127 ta o‘yin 13 ta gol 1988-yildan 2000-yilgacha
7. Demarkus Bisli 126 ta o‘yin 17 ta gol 2001-yildan 2017-yilgacha
8. Tim Hovard 121 ta o‘yin 0 gol 2002-yildan 2017-yilgacha
9. Jozi Altidor 115 ta o‘yin 42 ta gol 2007-yildan 2009-yilgacha
10. Klaudiyo Reyna 112 ta o‘yin 8 ta gol 1994-yildan 2004-yilgacha.

Terma jamoa safida eng ko‘p gol urgan futbolchilar:
1. Lendon Donovan 57 ta gol 157 ta o‘yinda 2000-yildan 2014-yilgacha
2. Klint Dempsi 57 ta gol 141 ta o‘yinda 2004-yildan 2017-yilgacha
3. Jozi Altidor 42 ta gol 115 ta o‘yinda 2007-yildan 2009-yilgacha
4. Erik Uaynalda 34 ta gol 106 ta o‘yinda 1990-yildan 2000-yilgacha
5. Brayan Makbrayd 30 ta gol 94 ta o‘yinda 1993-yildan 2006-yilgacha
6. Jo Maks Mo 24 ta gol 100 ta o‘yinda 1992-yildan 2002-yilgacha
7. Kristian Pulishich 21 ta gol 52 ta o‘yinda 2016-yildan hozirgacha
8. Bryus Myurrey 21 ta gol 85 ta o‘yinda 1985-yildan 1993-yilgacha
9. Eddi Jonson 19 ta gol 63 ta o‘yinda 2004-yildan 2014-yilgacha
10. Irni Styuart 17 ta gol 101 ta o‘yinda 1990-yildan 2004-yilgacha

AQSh futboli bugungi kunda

Amerika Qo‘shma Shtatlari terma jamoasini 2018-yildan beri Greg Berhalter boshqarib kelmoqda. Jamoa aynan o‘sha yilgi muvaffaqiyatsizlikdan so‘ng, murabbiyini almashtirishga qaror qildi. Ya’ni Rossiyadagi mundialda ishtirok etish imkoniyatidan mahrum bo‘lgan.
Shunigdek, Berhalter boshchiligida 2022-yilgi Qatarda bo‘lib o‘tadigan futbol bo‘yicha Jahon chempionatiga ocean orti yurti vakillari yo‘llanmaga ega chiqdi. Saralashda Qo'shma Shtatlar KONKAKAF saralashida 7-3-4 rekordi bilan uchinchi o‘rinni egalladi.

2018-yil iyun oyida 2026-yilgi futbol bo‘yicha Jahon chempionati AQSh, Kanada va Meksikaga topshirildi va bu uchala davlatga avtomatik ravishda saralashdan o‘tish huquqini berdi.

AQSh terma jamoasining bugungi kundagi tarkibi:

Darvozabonlar: Met Tyurner, Zak Shtefen, Itan Hovard, Shon Jonson.

Himoyachilar: Entoni Robinson, Uoker Zimmerman, Aron Long, Mil Robinson, Reggi Kennon, Serjinyo Dest, Deandre Yedlin, Kemeron Karter-Vikers, Kris Richards, Jo Skalli, Shakil Mur, Sem Vayns, Mark Makkenzi, Erik Palmer-Braun, Jorj Bello.

Yarim himoyachilar: Tayler Adams, Kristian Pulishich, Ueston Makkenni, Kellin Akosta, Brendon Aronson, Luka de la Torre, Jiovanni Reyna, Malik Tillman, Kristian Roldan, Janluka Rusio, Jonni Kardozo.

Hujumchilar: Yunus Musa, Timoti Vea, Jesus Ferreyra, Rikardo Pepi, Jordan Morris, Pol Arriola, Haji Rayt, Jordan Pefok Sibetcheu, Josh Sajent.

AQSh terma jamoasini oldinda kutib turgan o‘yinlari

Bu yilgi Qatarda bo‘lib o‘tadigan futbol bo‘yicha Jahon chempionati guruh bosqichida AQSh “C” guruhida Angliya, Eron hamda Uels terma jamoalari bilan bir qatorda joylashgan.

• AQSh
• Futbol
• Jahon chempionati
• fakt