Janubiy koreyalik dasturchi Yung Ki Yon “Microsoft“ kompaniyasi ”Internet Explorer“ faoliyati toʻxtatilganini eʼlon qilgandan soʻng brauzerni “dafn etdi”. Qabrtoshga ”e“ harfi va “U boshqa brauzerlarni yuklab olish uchun yaxshi vosita edi” jumlasi yozilgan.

Yung Ki Yon qabrtosh uchun 330 AQSh dollari miqdorida pul sarf etgan. Yodgorlik Kyondju shahridagi kafelarning biriga oʻrnatilgan. Ushbu kafega dasturchining akasi egalik qiladi.

Yungning aytishicha, mazkur brauzer ish faoliyatida muhim rol oʻynagan va shu sababli ham uning nomini abadiylashtirishga qaror qilgan.

Eslatib oʻtamiz, “Explorer“ 1995-yilda taqdim etilgan boʻlib, keyingi 10 yil davomida dunyodagi yetakchi brauzer hisoblangan. U milliarddan ortiq kompyuterlarga oʻrnatilgan, 2000-yillarning boshlarida oʻz oʻrnini ”Google Chrome” ga boʻshatib bergan.

• Microsoft
• texnologiya
• xabar