Kanadalik xonanda Jastin Biber oʻzining barcha qoʻshiqlari uchun mualliflik huquqini “Hipgnosis Songs Capital” kompaniyasiga sotib yubordi. Maʼlumotlarga koʻra, kelishuv qiymati 200 million AQSh dollariga teng boʻlgan.

28 yoshli ijodkor 2021-yilning 31-dekabr sanasiga qadar yozgan barcha kompozitsiyalarini sotish qaroriga kelgan. Uning “Justice” nomli soʻnggi albomining mualliflik huquqi ham “Hipgnosis Songs Capital” kompaniyasiga oʻtgan.

“Biber – musiqa sanʼatidagi oqimni jonlantira olgan sanoqli ijodkorlardan biri hisoblanadi”, – deydi “Hipgnosis Songs Capital” kompaniyasi rahbari Merk Merkuriadis.

Maʼlumot uchun, “Hipgnosis Songs Capital” kompaniyasi oʻtgan yili Jastin Timberleyk, Nelli Furtado, Nil Yang kabi bir qator ijodkorlar tomonidan yozilgan maʼlum qoʻshiqlarning mualliflik huquqini sotib olgan edi.

• Madaniyat
• Shou-biznes
• mashhurlar