37°
Kechasi 24°
Jizzax viloyati Do‘stlik tumanida 29 yoshli erkak o‘ziga tanish bo‘lmagan 23 yoshli ayolni Rossiyaga sotib yubormoqchi bo‘lgan vaqtida qo‘lga olingan. Bu haqda Oliy sud matbuot kotibi Aziz Obidov ma’lum qildi.
Xabarga ko‘ra, erkak notanish ayolni Rossiyaga fohishalik qilish maqsadida sotib yubormoqchi bo‘lganida ushlangan. Ushbu holat Jinoyat ishlari bo‘yicha Do‘stlik tumani sudida ko‘rib chiqilgan.
“Aybimga iqrorman va qilgan ishimdan pushaymonman. Oilada yagona boquvchiman. Xotinim homilador. Bir nafar voyaga yetmagan farzandim bor. Suddan yengillik so‘rayman”, – degan sudlanuvchi sud majlisida.
Jinoyat ishlari bo‘yicha Do‘stlik tumani sudi erkakni Jinoyat kodeksining 135-moddasi 1-qismi (Odam savdosi) bilan aybdor deb topib, unga nisbatan 3 yil 6 oy muddatga ozodlikni cheklash jazosi tayinlangan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
